DEN HAAG – Despues di e Diskurso Anual  Reina Máxima ta biaha pa New York na okashon di e 77 Reunion General Di Estados Unido ku ta tuma lugá mañan. E ta defensor spesial di sekretario general di Estados Unido pa finansiamentu inklusivo pa desaroyo.

Máxima ta entregá e relato anual di su trabounan pa Esatados Unido na sekretario general António Guterres. E tema di e relato anual ta Equitable, Inclusive and Sustainable Growth, lokual ta para pa Kresementu Igual, Inklusivo i Duradero.

Segun e reina bon aseso na servisionan finansiero digital ku ta seif i pagabel ta un base importante pa desaroyo ekonómiko.

Segun e investigashon mas resien di Grupo di Banko Mundial 76 porshento di adulto mundial tin un kuenta di banko. Na 2011 esaki tabata 51 porshento.

Spar, sigurá i aseso na fiansanan pagabel ta e siguiente stap. Tin atenshon spesial pa gruponan deskriminá manera hende muhé i empresanan chikí.

Den e relato anual ta referí entre otro na e importansia di un ekonomia inklusivo digital, salubridat finansiero, protekshon di konsumidó, kolekshon di data uniforme i e ròl di integrashon finansiero den e rekuperashon ekonómiko despues di e pandemia di corona.

Tambe lo tin enkuentronan ku representantenan di gobièrnunan di paisnan ku ta aktivo riba tereno di integrashon finansiero. Reina Máxima ta un di e oradónan prinsipal na apertura di e evento The Future of Digital Cooperation: Building resilience through safe, trusted and inclusive digital public infrastructure.

Na e 5th Annual Leaders on Purpose CEO Summit  Máxima ta bai papia ku e CEO di Paypal, Dan Schulman. Akinan e énfasis ta riba kon integrashon finansiero por kontribuí na kresementu ekonómiko i e metanan di Desaroyo Duradero.

Reina Máxima lo tin tambe un reunion ku miembronan di Reference Group ku e ta trahando kuné for di 2009. E grupo di konseho aki ta konsistí di djesun organisashon internashonal ku konosementu spesífiko riba tereno di integrashon finansiero, manera Bill & Melinda Gates Foundation,  IMF i Banko Mundial.