Notisia

Awe ta pone promé piedra pa Fundashon Hunto

ORANJESTAD – Awe ta pone promé piedra pa konstrukshon di Stichting Hunto na Aruba. E edifisio nobo lo alohá dos organisashon den kuido. Eseinan ta Fundashon pa Maneho di Adiccion di Aruba, FMAA i Servisio Sikiátriko Sosial  SPD.

E ponementu di piedra ta tumá lugá den presensia di ministernan, miembronan di staten i profeshonalnan den kuido.

E kolaborashon entre e dos entidatnan mester bai sirbi e komunidat mihó, pero tambe lo perkurá pa e prosesonan ta kordiná mihó ku otro pa solushoná e problemanan di salú mental i adikshon.

Gobièrnu di Aruba a pone 600.00 florin disponibel pa aserká proaktivo adiktonan ku ta riba kaya. Esei lo ranka sali na sèptèmber bou di e fundashon nobo.

Sinku profeshonal ta bai aserká proaktivo e adiktonan ambulante ku e meta pa pone nan den un akohida. E grupo Kuido salú Mental GGZ, den koperashon ku e Organisashon di Salú Pan Amerikano, Paho a prepará a plannan.

Ta trata di asistensia na mucha, hóben i adulto. For di bista profeshonal tin nesesidat pa yena e buraku entre kuido pa salú mental i adikshon.

Deel dit artikel
Rocargo
Rocargo
Rocargo
Rocargo