Awor tin shete persona den hospital pa motibu di Covid

KRALENDIJK- E kantidat di infekshon nobo na Boneiru ta keda haltu, ku otro 17 kaso nobo pa djamars.

Mas preokupante ta e echo ku awor tin un total di 7 persona hospitalisá pa motibu di síntoma di Covid. Esaki ta un subida ku 3 persona den un solo dia.

Departamentu di Salubridat Públiko ta keda ripití tur dia ku nan tin un bon bista riba e fuente di kontagio, pero si ku ta logrando pa kontené e brote aktual.

Aunke ku bou di e hendenan infektá tin tambe hende ku ta ful bakuná ta mira en general ku nan kondishon en general no ta masha severo. Esaki, a lo ménos, ta un notisia positivo.