Notisia

Baki di kuminda di foam prohibí for di promé di ougùstùs

KRALENDIJK- Pa protehá naturalesa di Boneiru i bo salú di residente, a implementá un prohibishon riba uso di bakinan di kuminda di foam. E prohibishon di baki di kuminda di foam ta drenta na vigor dia 1 di ougùstùs 2022. 

E prohibishon ta konta pa tur hende na Boneiru ku ta bende òf duna baki di kuminda di foam ku ta usa un biaha so.

E prohibishon ta regardá solamente baki di kuminda trahá di e material foam. Ta trata di baki di kuminda pa bai kuné, pa tur sorto di kuminda i e sousnan korespondiente, ku bo por kome mesora. direktamente for di e baki i ku bo no tin mester di kushiná òf prepará mas aleu. 

Entidat Públiko di Boneiru ta enkurashá tur hende pa hasi uso di artíkulonan reusabel ora esei ta posibel. “Komo habitante i bishitante di e isla akí nos tur tin nos propio responsabilidat pa tene nos ambiente di biba i nos naturalesa limpi i saludabel. Bai por ehèmpel ku bo propio kosnan manera kuchara, fòrki i kuchú òf un propio beker òf tèrmo pa bebe. Negoshinan di hòreka i risòrtnan por pensa por ehèmpel riba keda sin duna richi desechabel pa bebe (ku no ta di plèstik), a ménos ku un wéspet pidi pa esaki” asina un relato di prensa di Entidat Públiko Boneiru ta bisa. 

Supervishon 

Direktorado di Supervishon i Mantenshon di Lei a bishitá diferente supermarket, negoshi di hòreka i ‘foodtruck’. E inspectornan a mira ku ya kaba hopi di e negoshinan akí ta tene nan mes na e prohibishon pa saku, kuchara, fòrki, kuchú, richi i kos pa drai bibida di plèstik. 

Deel dit artikel
Rocargo
Rocargo
Rocargo
Rocargo