KRALENDIJK – Awor por usa e lemanan di bakunashon #BANBAKUNÁ i #BONBAKUNÁ riba facebook komo kuadro pa bo profile pic. Departamento di Komunikashon di Entidat Públiko Boneiru a inventá e lemanan pa e kampaña di bakunashon. A imprimí #BANBAKUNÁ i #BONBAKUNÁ riba tishùrt tambe. #BONBAKUNÁ ta pa e momentu ora hendenan a haña tur dos angua i pues ta ‘bon bakuná’. #BONBAKUNÁ ta un kinipí di wowo pa e hendenan ku a bakuná na Boneiru.

Kiko bo tin ku hasi pa pone e kuadronan serka bo profile pic : habri bo página personal di facebook i bai na bo profile pic. Klek riba bo‘profile pic i ta aparesé algun opshon. Skohe pa e opshon add framework. E ora ei bo ta bai na e search bar shinishi i bo ta taip #Banbakuná of #Bonbakuná. E ora ei bo ta haña diferente opshon, por ehèmpel kon bo por usa e kuadro akí òf pa kuantu tempu bo ke e kuadro aki rònt di bo profile pic. Hasi bo eskoho i añadí e kuadro na bo profile pic. Finalmente bo ta save bo eskoho.

Di e manera akí huntu ku usuarionan di e kuadronan akí bo ta kompartí e mensahe na un manera simpátiko i klarito: #BANBAKUNÁ! Bai riba www.bonairecrisis.com òf yama 0800 0900 pa registrá bo mes pa bakunashon.