Banko di alimento Boneiru ta risibí donashon for di Bergen op Zoom

KRALENDIJK – Banko di Alimento na Boneiru a risibí siman pasá un donashon di personanan individual i empresanan di Bergen op Zoom. E donashon tabata un inisiativa di Marc Franken.

Franken ta biba na Bergen op Zoom, pero tin un kas na Boneiru tambe for di aña pasá. Den  e último konteiner ku el a manda Boneiru el a traha espasio pa produktonan di donashon pa e banko di alimento riba e isla. 

Pa e rekoudashon el a aserká tantu personanan individual komo empresanan na Bergen op Zoom. Nan a reakshoná positivo riba su akshon. Esaki ta motibu pa Franken tambe pa sigui ku e rekoudashon di produktonan pa e Banko di Alimento na Boneiru. P’esei e ta hasi un yamada riba mas persona i empresa na West-Brabant pa pone produktonan disponibel pa e banko di alimento na Boneiru. Ta trata e ora ei di produktonan ku ta keda bon pa tempu largu i produktonan di higiena, manera skeiru di djente, pasta di djente, deodorante, pero tambe kuminda pa beibi i paña ta bonbiní.

Mientrastantu e kònteiner a yega e isla i a entregá e produktonan na e Banko di Alimento Boneiru.