Banko sentral di Korsou i St. Maarten no ta mira bentaha den kambio pa dòler

WILLEMSTAD- Banko Sentral di Kòrsou i St. Maarten (CBCS) no ta mira un bentaha den un kambio di florin pa dòler. Esaki CBCS a konstatá den un rapòrt ku a traha resientemente di e tema.

CBCS ta konstatá ku aunke e kambio por tin bentaha, e tin su desbentahanan tambe. Pero e argumentu mas importante ta ku e kambio fiho entre florin ku dòler, desde su introdukshon na aña 1971 nunka no a bin bou di preshon.

For di introdukshon na aña 1971, un dòler tin balor di 1,79 na florin. Resientemente a bolbe lanta diskushon na Kòrsou tokante e tema di kambio di florin pa dòler, meskos ku a sosodé na Boneiru, St. Eustatius i Saba ora Antia Hulandes a stòp di eksistí riba e fecha di 10/10/10.

Florin Caribense

For di desmantelashon ta papiando di kambio di e nòmber di florin antiano, pa un florin karibense. Sinembargo, es kambio aki no a wòrdu ehekutá nunka. Ora di kambia mester introdusí diseño nobo tambe.