WILLEMSTAD – E wikènt di  Pasku aki tabatin hopi tiramentu atrobe. A tira riba un hòmber mientras e tabata kore den su outo pasa un snèk na Mahuma. A alkansá su outo, pero e mes a keda ileso.

Un problema entre dos mayor den un kas den Kaya Holsit na Montaña Abou tambe a kaba den un awaseru di bala. Nan a haña pleitu ku otro i e hòmber a kue un arma di kandela i a tira den laira. Despues el a hala kita ku e yunan.

A tira un Yu di Kòrsou di 26 aña na Antwerpen, Bélgika. Aparentemente e lo ta ruman hòmber di Pempi Rosario ku nan a tira mata aña pasá na Vlissingen. 

Na Amsterdam a tira Roffino van Suijdam di 17 aña mata. Esei a sosodé na Zuidoost. A detené un sospechoso di 16 aña.

Na Rotterdam amigo di Marianella Seintje di 43 aña ku tabata menas’é pa basta tempu kaba, a tir’é mata den presensia di su yunan.  Despues el a bandoná e sitio.