BC ta klarifiká: ‘No tabata intenshon pa kulpa hulanda pa retraso den drechamentu di kaminda’

Kralendijk – Kolegio Ehekutivo ta lamentá e bruashon ku a surgi djawebps, despues di a emití un komunikado pa prensa tokante renobashon di kaminda. Kolegio ehekutivá ta enfatisá tambe ku e plan pa drechamentu di kaminda riba e isla ta wòrdu ehekutá ‘den bon konsulta’ ku Hulanda.

Segun un komunikado nobo mandá pa prensa lokal djabièrne den oranan di atardi, Kolegio Ekekutivo ta bisa ku no tabata e intenshon pa krea impreshon ku no por a sigui drecha kaminda pa motibu ku ainda ta wardando Hulmanda manda mas sèn.

“En total Boneiru a risibí 8,5 mion euro di ministerio di Infrastruktura i Maneho di Awa pa e kamindanan. Na luna di yüli 2021 lo hasi transakshon di un suma di 3 mion euro. Esaki ta sufisiente pa por ehekutá tur renobashon di kaminda ku ta planiá pa 2021”, segun BC.

18 kaminda

Na fin di aña 2021 i durante aña 2022 ta sigui e fondonan restante na momentu ku a kumpli tambe ku e palabrashonnan hasí den e plan di mehorashon adishonal di direktorado di Planifikashon i Desaroyo. Ku e fondonan akí por realisá e kamindanan ku ta planiá pa 2022 – 2023.

En total segun planifikashon lo renobá 18 kaminda kompletamente (wak e komunikado di prens anterior).