ORANJESTAD – Esun ku bende merkansia di markanan falsifiká na Aruba, por bini den kontakto ku Hustisia. Asina Ministerio Públiko ta laga sa den un komunikado di prensa.

Motibu pa esaki ta notisianan ku ta sali den media tokante di falsifikashonnan riba e isla. Segun Ministerio Públiko tantu importashon, pero tambe benta i ofresé pa bende, tin na stòk, parti i eksportashon di merkansia di markanan falsifiká ta un echo kastigabel pa kua bo por haña un kastigu di prison.

Si enbèrdat ta resultá ku trata di importashon di merkansia di markanan falsifiká, lo destruí e merkansia – si ta nesesario despues di aprobashon di wes – i lo persiguí e personanan ku a hasi nan mes kulpabel na e importashon.