KRALENDIJK – Riba 29 di novèmber un benta planiá di un iPhone 13 a sali kompletamente for di man na e sitio di enkuentro na Mentor. E bendedó a pone e telefon na benta via Facebook i a topa un kumpradó interesá den un outo pa finalisá e dil. Loke a kuminsá komo un transakshon normal a kaba den un ladronisia brutal i un doño heridá.

E sospechoso a haña e telefon den su man pa wak e, pero enbes di paga el a kore bai diripiente. E bendedó a purba di habri e porta di outo, pero parse ku esei tabata di lòk. Un esfuerso pa drenta via bentana tampoko no a duna resultado. Ora e outo a sigui kore, e man di e doño tabata pegá ainda den e vehíkulo, di moda ku el a kai i risibí leshon.

Polis ta investigando e kaso i ta yama testigunan pa presentá. Si bo a mira òf tende algu ku por yuda den e investigashon? Tuma kontakto via 715 8000 òf kompartí bo informashon anónimo via e liña di duna tep 9310.