KRALENDIJK – Bonaire Human Rights Organization(BHRO) a organisá un sena di karidat di San Valentino konmovedor riba 14 febrüari último, reuniendo sostenedornan i defensornan di derecho humano pa un anochi di filantropia i solidaridat. 

E evento, ku a wòrdu tené na e Teraza di e Residensia Ocean View di e Presidente di BHRO tabata tin komo obhetivo pa rekauda fondo i krea konsiensa pa e derechonan humano basiko di e pueblo di Boneiru. 

Ku asistensia pa mas ku 70 partisipante, inkluyendo lidernan destaka di komunidat, aktivistanan i donantenan, e anochi tabata un selebrashon di kompashon i kompromiso pa derechonan humano. E invitadonan a disfrutá di un sena gourmet di seis plato, entrenemiento ku musika live i diskurso inspirativo pa e presidente Sra Davika Bissessar Shaw I vise-presidente Sr James Finies

“Nos ta enkantá ku e apoyo abrumador mustrá pa e sosiedat multi kultural di Boneiru na nos sena di San Valentino”, Vicky Bissessar di Bonaire Human Rights a bisa. E evento aki no solamente a rekaudá fondo pa nos kausa pero tambe a fortalesé nos komunidat su determinashon i kompromiso pa defende derechonan i dignidat di tur hende. 

Durante e evento e partisipantenan a haña oportunidat di presensia otorgamentu di rekonosementu presenta na Zara Winklaar pa su kontribushon destaká pa e lucha di outodeterminashon di Boneiru. Ademas, na prinsipio di dezèmber, BHRO a honra Elvis Braaf, Izaak “Uz” Evertsz i Sr Richard “Rishi” Pietersz komo rekonsementu pa nan dedikashon i logronan.

Finies a reafirmá su kompromiso pa sigui lucha pa tur suidadano Boneriano den su aspirashon di su organisashon pa logra derechonan di e pueblo Boneirano

Gradisimentu

Bonaire Human Rights ta ekstendé su gradisimentu na tur ku a asisti, sponsornan, boluntarionan i simpatisantenan pa nan generosidat i dedikashon, ku a hasi e sena di Karidat di San Valentino un éksito rotundo. 

Finalmente, BHRO ta gradisí Marjolein Finies pa a prepará e kuminda di seis plato eksepshonal i  Arlene Finies pa e dekorashon bunita. “Huntu, nos lo kontinua na defende derechonan humano i traha direkshon di un futuro kaminda tur hende lo wordu trata ku dignidat i respet”, asina BHRO a bisa.