Aerolinea i biahamentu

Biahero full bakuná no mester hasi PCR mas pa drenta Kòrsou for di Boneiru òf Aruba

Biaheronan ful bakuná for di Aruba i Boneiru no mester hasi ni PCR ni tèst antígeno mas, pa por biaha bai Kòrsou.

Willemstad/Kralendijk- Biaheronan ku ta full bakuná ku ta bia sea for di Boneiru òf Aruba pa Kòrsou, for di 3 di yüni 2021 no mester hasi ni tèst di PCR, ni tèst antígeno mas ora di biaha pa Kòrsou.

Ku esaki, e asina yamá ABC-bubble ta bèk na vigor. Ainda tin sierto eksepshon i rekesito si. Por ehèmpel mester a pasa e di dos bakuna por lo ménos 2 siman promé ku e fecha di biahe.

Siman pasá gezaghèber Rijna a partisipá kaba ku biaheronan ful bakuná for di Aruba i Kòrsou ya for di promé di yüni lo no mester hasi tèst di PCR mas pa por drenta e isla. Den e kaso aki tambe ta konta ku mester a pasa e último angua por lo ménos 2 siman promé ku e fecha di biahe.

Rekuperá

Personanan ku a keda infektá ki despues ta pasa 1 angua, tambe ta wòrdu konsiderá komo kompletamente bakuná pa loke ta trata biahamentu.

E suavisashon aki, lo wòrdu aplaudí pa hopi biahero ku a keda konfrontá pa hopi gastu adishonal na momentu di biaha for di Boneiru pa Kòrsou òf Aruba, bin bèk.

Deel dit artikel
Rocargo
Rocargo
Rocargo
Rocargo