KRALENDIJK–Djasabra anochi, hopi hende a bai Rincon na Cocari pa nan duna pabien na gezaghèber John Soliano. Na e okashon tabatin presentashon di baile i hendenan por a topa gezaghèber John.

Notabel ku hopi hende ta hopi kontentu ku e eskoho, esta pa Solano komo gezaghèber. Tantu Soriano komo gezaghèber nobo, i Oleana èks gezaghèber tabata presente. Nan a dirigí palabra na e okashon. Oleana tabata e promé ku a papia. “Trabou duru ta duna bon resultado. Union ta duna mihó resultado. Si mi por aportá na algu pa yuda kualke persona,  aserka mi. Porta ta habrí”, asina Oleana a bisa.

Despues di esaki Gezaghèber John Soliano tambe a hiba palabra. “52 aña pasá mi a nase den e bario aki. Mi ta gradisí i ta kontentu, di kaminda mi a nase i e barionan ku mi a biba. Ta trata di Tera Kòrá tambe Belnem. Mi promé trabou ku mi a traha tabata na fruteria La Portuguesa na tera Kòrá. Asina kuminsá i mi a duna tur ku tin ku determinashon. Mi no ta pará mi so, mi tin ánimo i ta determiná pa hasi e trabou. Huntu nos ta krea e komunidat ku nos ke. Ami tei pasobra boso tei. Mi ta konta ku boso i boso por konta ku ami. Danki Boneiru!”