WILLEMSTAD – E bishita di Dienst Uitvoering Onderwijs, DUO, den área di Karibe ta yena un nesesidat. Kompará ku e kampaña 2021 di fin di aña i e kampaña di komienso di aña último, a bini masoménos 50% di bishitante mas.

Banda di a habri temporalmente e ofisinanan di servisio tabatin enkuentronan di informashon, webinars i tabatin ayudo na midi pa personanan ku problemanan di pago di e debe di estudio Oropeo.

Pa promé biaha a bishitá durante un kampaña tur e seis islanan den área Karibense.

Eks- studiantenan

Pa eks-studiantenan tabatin enkuentronan ku splikashon tokante posibilidatnan pa pidi un eksámen di sostenementu, pagamentu bèk lokalmente i kiko di hasi na momento di problema ku pago.

A yuda na e bali habrí di e ofisinanan di servisio ku petishon pa eksámen di sostenementu. Servisionan di impuesto di e diferente islanan despues di e bishita a yuda bon perkurando pa entregá e deklarashonnan di entrada rápido na e eks- studiante, di moda ku esaki por a keda mandá komo prueba huntu ku e petishon.

Mi DUO

E  aña aki a duna atenshon speshal na uso di Mi DUO. Eks-studiantenan despues di a registrá ku un DigiD por a mira nan dato- i informashonnan via Mi DUO.

Di e forma aki nan no ta dependiente mas di entrega di pòst. Si eks-studiantenan no tin entrada mas na Mi DUO, nan por hasi petishon pa un DigiD nobo i subi i regla nan asuntunan ku DUO.

Meskos ku den kampañanan anterior DUO a ofresé ayudo na midí pa problemanan ku pago. Serka e ofisinanan di servisio e eks-studiantenan por a hasi un palabrashon pa yega na un solushon na midí pa retrasonan di pago.