Notisia

Bishitanan di trabou di Máxima: kas real ta drecha kaminda pa e despensa di sklabitut?

DEN HAAG – Museo Tropikal ta kontentu ku e bishita di reina Máxima na e eksposishon ‘Onze koloniale erfenis’ (Nos herensia kolonial). Ta su di dos bishita di trabou na semehante eksposishon. Caribisch Netwerk ta puntra su mes si kas real ta drechando kaminda ku e bishita di la reina pa e despensa Hulandes pa e pasado di sklabitut.

Wayne Modest – director di Museo Nashonal pa Kulturanan Mundial ku a guia e reina durante di su bishita, no a kontestá mésora riba esaki. “Pa nos ta importante ku ta ofresé un despensa.”  Modest ta yama esei un stap pa dil ku e pasado kolonial.

Wendeline Flores – konservadó di Àrea Karibense i Historia Kolonial ku tambe tabata enbolbí den e guia di e reina – no ta yama e bishita un bishita ku e meta pa kumpra hende ku su karisma. “Mi no sa kiko e intenshon di e reina lo ta riba e tereno ei.”

El a haña e interes i e preguntanan ku e reina a hasi den e salanan remarkable. “Loke ta hopi bunita, ta e echo ku ta papia di e tema aki. Nos ta ripará ku ta rebiba e pasado kolonial di Hulanda.”

Modest tambe ta kontentu ku su bishita: “Mi ta spera ku e propaganda boka pa boka ta intensivá despues di e bishita di reina Máxima na nos eksposishon.” E ta bisa tambe: “No ta delikado pa kas real so. E ta un tema delikado pa nos tur ku ta biba aki na Hulanda.”

Museo Tropikal ta konsiente di su lugá den e archivo di sklabitut. “Nos tabata parti di e sistema kolonial, pues nos ta sinti nos obligá pa hasi algu ku e tema despensa. Nos ta bai wak e aña benidero kiko 150 aña abolishon di sklabitut ta nifiká pa nos.”

Kon ta ku un despensa na e área Karibense?

Spesialmente un despensa na Sürnam ta riba pantaya. No ta papia masha di un despensa na pais- i islanan Karibense. Komo director Modesto no ta sinti’é yamá pa duna un opinion riba esaki.

“Mi ta haña importante pa wak despues. Kiko ta e responsabilidat ku bo ta tuma riba bo mes unabes ku bo pidi despensa.”

Deel dit artikel
Rocargo
Rocargo
Rocargo
Rocargo