KRALENDIJK – For di awe 16:00 or habitantenan di Kas di Kuido por risibí bishita atrobe. Tambe e habitantenan di Kas di Kuido por partisipá atrobe na aktividatnan interno. Esaki ta konsekuensia di e medidanan eksitoso di kohorte ku nos a implementá dos siman pasá.

Fundashon Mariadal ta gradisí tur hende pa nan pasenshi i komprenshon durante e periodo tras di lomba.

Bishita

Mariadal ta pidi bishitantenan di Kas di Kuido i otro departamentonan pa kumpli ku e medidanan general di higiena. Nos ta supliká personanan ku tin keho relashoná ku un vírùs pa keda kas.

E oranan di bishita ta lo siguiente:

• Kas di Kuido: 10.00 – 20.00 or
• Sentebibu (hòspital) i kamber di parto: 11.30 – 13.00 or i 18.30 – 20.00 or.
• Special Care: 12.00 -13.00 or i 18.00 – 20.00 or.