KRALENDIJK – Djárason 4 di mei, banda di dia di Konmemorashon di Defuntu, ta tambe e dia Internashonal di Bombero. Riba e dia aki mundialmente kuerponan di bombero ta para ketu na e tareanan ku bomberonan ta ehersé diariamente i e riesgo ku nan ta tuma pa asina kontribuí na seguridat general.

Na honor di e dia aki e vehíkulonan di bombero lo kore den e kayanan di Saba, Boneiru i Sint Eustatius riba djárason 4 di mei, entre 10 or i 11 or di mainta. Sinembargo lo tene kuenta ku e aktividatnan di Konmemorashon di Defuntu,  hasiendo esaki.

Na Sint Eustatius lo organisá tambe vários aktividat durante e siman aki na e kazèrne di brantwer. Na Boneiru lo organisá kompetensia di bombero parti atardi riba djabièrnè 6 di mei na honor di e dia aki, durante kua gruponan di bombero lo kompetí pa e tempu mas rápido den diferente wega den kuadro di tareanan di bombero.