KRALENDIJK- Dietista Lucinda van der Wardt resientemente a duna un presentashon interaktivo na e kuerpo di bombero Karibe Hulandes (BKCN) tokente e importansi di komementu di kosnan saludabel. 

Den su presentashonnan Van der Wardt ta laga hende mira kuantu suku nos ta kome tambe via di kumindanan di kual hopi biaha nos no ta sospechá kuantu suku nan ta kontené.

Bon kondishon

Pa kuerponan aktivo, manera esun di bombero, ta importante pa empleadonan ta den bon kondishon. Den e fase di reklutashon, selekshon i entrenamentu, ta pone hopi énfasis riba esaki. Lógikamente, kuminda tambe ta hunga un ròl importante den kondishon físiko ku hende tin.