Bonaire Celebraties ta rekonosé esnan ku ta saka kara di Boneiru den eksterior

KRALENDIJK- Djasabra 16 di aprel a tuma lugá e promé aktividat di ‘Bonaire Celebrities’. Meta di e aktividat ta pa rekonosé esnan ku ta saka kara di Boneiru den eksterior riba diferente tereno. 

Ta trata di un organisashon ku ta duna honor na esnan ku ta trese Boneiru den publisidat, pa entre otro, media sosial i ta haña hopi atenshon. Ta trata di hende ku ta presentá na televishon , deportista, artista, riba instagram i mas. Di e manera aki ta stimulá mas hende pa promové Boneiru su nòmber. 

Ruthsaida van Heyningen-Rafahel, a presentá un kansion di gospel despues ku Grace Winklaar a habri e anochi. Gerald Alberto a presentá algun kantika e anochi pa entretené e invitadonan. 

Rekonosimentu

Promé persona ku a risibí su rekonosementu tabata Amado Vrieswijk i despues Irlenska Martinus a presentá un poesia. Siguiente persona ku a risibí un rekonosementu tabata Taty Frans i Maurison Martines. Ir-Sais tambe a haña rekonosementu e anochi, sinembargo algun di esnan ku a haña premio e anochi, un otro persona a tuma e premio. 

Algun di e personanan rekonosé no tabata na Boneiru. Irsais a papia pa medio di grabashon i a apresiá e rekonosementu. Eddy Trinidad tambe e anochi a risibí  rekonosementu. Tur premio tabata entrega for di man di Sunida Manuel, Miss Turismo di Boneiru.