Bonaire Cruise Tourism Association ta mira plan di likidashon i no di rekuperashon

KRALENDIJK- Bonaire Cruise Tourism association (BTCA) ta desapuntá i preokupá pa e manera di proseder di gobièrnu di Bonairu, ora ta traha di e tema di turismo krusero. 

Según BTCA a bisa den un komunikado, nan tabata sinti for di prinsipio ku kasi nan no tabata tin partisipashon e asina yamá Plan di Rekuperashon di Turismo. Sin embargo, asina e asosiashon a bisa, diferente komberashon ku diputado Thielman a laga nan ku algu di speransa ku kos lo bai den un bon direkshon”.

Segun BTCA, por mira ku esaki a resultá awor di no ta e kaso. Na promé lugá, segun e asosiashon, Thielman a bai papia di forma muchu prematuro na Seatrade, ku ta un merkado turístiko masha importante pa línea nan di krusero. E miedo ta eksistí ku esaki lo tin un impakto negativo riba e turismo di krusero na Boneiru. 

Headtax

Otro problema ku BTCA ta mira ta e echo ku, dor di pone e headtax nan 10 dòler pa turista krusero, e impuesto a kasi triplifiká. “Mientrastantu por mira ku pa turista k uta bin keda na hotel kasi nada no a kambia; al kontrario, den hopi kaso su estadía ta bira mas barata. 

BTCA ta bisa ku mientras k uta bin ku diferente iniciativa e benefisio pa sektor hotelero, ta parse ku ta distruí ke distruí e turismo krusero. “Pesei, ora ta papia di turismo krusero, esaki ta parse mas un plan di likidashon, na lugá di plan di rekuperashon”