KRALENDIJK – Bonaire.nu ta sigui komo e wèpsait di notisia ku mas tantu lesadó entre habitantenan di Kariba Hulandes, segun un estudio di media ku Rijksdienst Caribisch Nederland (RCN) a ehekutá. Mas ku 72% di habitantenan di Bonaire ta indiká ku nan ta onsultá Bonaire.nu pa notisianan lokal.
The BES-Reporter, ku ta na di dos lugá, ta wèpsait di notisia na Ingles ku ta wordu lesá hopi tambe, spesialmente na e Islariba, pero tambe ta kaiden e tòp-3 di wèpsait ku ta wòrdu lesá mas tantu pa habitantenan di Bonaire. Bonaire.nu i The BES-Reporter tur dos ta parti di e kompania di media ABC Online Media, ku ta dirigí pa Sylvia de Leon i Harald Linkels. Hunto e dos wèpsaitnan tin un alkanse di mas di 91%.
E meta di e estudio ta pa komprondé kiko ta e uso di media entre habitantenan di Bonaire, Sint Eustatius i Saba, pa asina por dirigí e esfuersonan di komunikashon mas efektivamente.
E pregunta prinsipal ku a forma parti di e estudio tabata kon habitantenan di Karibe Hulandes ta risibí e media i e mensahenan di RCN.
Media Sosial
Un konklushon di e estudio ta ku habitantenan di Caribisch Nederland por ser alkansá mihó via Media Sosial. Den e konteksto aki, Facebook i Whatsapp ta risibí hopi uso komo kanalnan di komunikashon.
Na otro banda, tambe a analisá kua ta e korant i emisora di radio mas popular na e islanan. Na Boneiru Extra i Boneriano ta e dos korantnan mas lesá. Na Islariba The Daily Herald ta e korant mas lesá.
Di tur estashon di radio na Bonaire, Live99FM ta ser skuchá mihó, sigui pa entre otro MegaHit FM, BreezyFM i BONFM.
Hopi interogante ainda rondó e benta di Banco di Caribe
Banko Sentral di Aruba a oumentá reserva obligatorio pa frena inflashon
Gezaghèber Rijna den spich pa aña nobo: Reto, pero tambe oportunidat den aña 2023
Kuater kaso positivo mas di Covid
