KRALENDIJK—Djadumingu 13 di aprel, Bonaire Amateur Radio Club (BAR), tabata aktivo na Boneiru. Ocho persona di radioafikshonado di Boneiru, a reuní pa organisá un dia di práktika ku yama “velddag.”
Durante e aktividat aki, nan a praktiká pa por komuniká sin mester di internet òf konekshon di elektrisidat, sin esei nan por a komuniká ku otro radioafikshonado rònt mundu. Nan a instalá algun antena portátil i ku yudansa di un generator, nan a logra establesé kontakto ku varios radioaficionado via e frekuensia di onda kòrtiku.
Ademas, nan a partisipá den e “Antillean Net” semanal, unda nan a komuniká via e banda di 40 meter ku kolega radioafikshonado di Kòrsou i Aruba. E grupo tambe a risibí bishitante di Rijksdienst Digitale Infrastructuur (RDI), ántes konosí komo Agentschap Telecom. RDI ta responsabel entre otro pa supervisá e radioafikshonado. RDI a hasi filmashon, ku nan ta usa den un pelíkula proporshonal tokante e trabou di RDI den Hulanda Karibense. E pelíkula lo sali pronto riba vários medio sosial.
E entrenamento tabata un eksitoso. Nan a logra di instalá un stashon di transmishon pa hari i hasi kontaktonan real den un tempu masha kòrtiku. Pa finalisá e dia, nan a disfrutá di un barbekiú, den un ambiente ameno. Asina ku, por ehèmpel, si algun dia surgi un situashon di krísis na Boneiru manera un orkan ku ta kòrta komunikashon, e radioafikshonado definitivamente por yuda saka e isla for di isolashon. Pa bira un radioafikshonado, ta nesesario pasa un eksámen di teknologia di radio i konosementu di lei. RDI ta enkargá di e eksámen i despues di pasa, bo por apliká pa un permit di transmishon ku un señal di yamada (call sign). E kosto ta $14,00 pa aña.
Interes
Personanan ku tin interes den e hòbi emoshonante di radio por tuma kontakto ku Peter de Graaf, sekretario di BAR, medio di bonaireamateurradioclub@gmail.com.