Notisia

Boneiru a risibí den e promé mitar aña aki mas bishitante ku den e mésun periodo di aña pasá

KRALENDIJK – Boneiru a risibí den e promé seis lunanan di 2023 mas bishitante ku den e mésun periodo un aña pasá. Ta trata di 88.749 bishitante, lokual ta 3,3 porshento mas ku den 2022 i 6,8 porshento mas ku den 2019, promé ku corona.

Kasi mitar di e bishitantenan aki (46,47 porshento) a bini di Hulanda. Di Estados Unido a bini un kuart di e bishitantenan (24,05 porshento). E bishitantenan a keda un prormedio di nuebe anochi riba e isla.

Kuarenta porshentu di e kasonan tabata bishitante ku a bini Boneiru pa prome biaha. Un kuart di tur e bishitantenan a yega di bini e isla dos te sinku biaha. Mayoria di e bishitantenan ta entre 45 i 64 aña.

Industria krusero 

Den e promé sinku lunanan di e aña aki 108 barku krusero a bishitá Boneiru ku un total di 275.702 pasahero na bordo. E sifranan di luna di yüni no ta konosí na e momento aki.

Deel dit artikel
Rocargo
Rocargo
Rocargo
Rocargo