KRALENDIJK- Despues di un ousensia di dos aña, riba djasabra por fin por a selebrá dia di Rincon atrobe manera antes. 

Por a nota ku e aña aki tabata tin un multitut hopi grandi ku a bishitá e bario, na promé bista mas ku e añanan promé ku Pandemia di Korona mes. 

Esaki ta remarkabel, tumando en kuenta ku hopi bishitante di Kòrsou i Aruba no por a yega, pa motibu di falta di buelo. Buelonan entre Kòrsou i Boneiru.

Ambiente

Mester bisa ku e ambiente e aña aki tabata atrobe hopi kampion. Tin hende sinembargo ku no a gusta e sistema ku a plama e stèntnan den e bario di Rincon e aña aki, aunke por a ripará si ku di e forma aki, mas parti di e bario a logra hala hende.