Notisia

Boneiru lo por mira hopi stòf di Sahara den dianan benidero

Boneiru lo por mira hopi stòf di Sahara den dianan benidero

KRALENDIJK- Un masa basta denso di stòf di Sahara ta na punta pa yega den atmósfera di e islanan ABC. Ta fèrwagt esaki yega djamars atardi. E stòf por hasi e bista ménos i e shelu por mustra mas blanku ku normal. 

Ta pensa ku e stòf lo por keda riba nos islanan te banda di djabièrne atardi. Hende ku tin problema ku halamentu di rosea ta wòrdu avisá pa keda paden, pasombra e kantidat di stòf lo por kondusí na algu di inkomodidat pa esnan ku tin problema de respirashon. 

Bientu

Tambe ta spera ku e dianan benidero lo tin mas bientu ku normal. E presensia di un sistema di preshon haltu ta pone ku e bientunan di pasat bira ainda mas fuerte. Esaki lo yuda pa pusha e stòf di Sahara mas leu den área di Karibe. 

Deel dit artikel
Rocargo
Rocargo
Rocargo
Rocargo