Boneiru nominá pa Condé Nast Traveler’s 2021 Readers’ Choice Awards

Kralendijk- Condé Nast Traveler, e revista prinsipal di biahe di merka, a anunsia nominadonan pa e ‘Annual Readers’ Choice Awards’. Boneiru ta den e kategorianan di “Islands” i “Countries”. Adishonalmente, e siudat di Kralendijk i varios akomodashon rònt Boneiru ta rekonose den e kategorianan “Cities” i “Hotels & Resorts”.

E premio anual ta un rekonosimentu di ekselensia di mas antiguo i prestigioso den e industria di biahe. E ganadornan di Readers’ Choice Awards, lo keda selekta kompletamente dor di e votonan di e lesadonan i nan lo representa lo mejor de lo mejor, ofresiendo inspirashon pa plania un biahe na e destinashon ku ta ofrese un aventura uniko pa e biaheronan por eksperensiá.

Kontentu

“Nos ta sumamente kontentu ku un biaha mas Boneiru ta risibi e rekonosementu meresi komo un di e mihor destinashon den karibe. Mas aun Boneiru su sektor hotelero i hospitalidat tambe ta forma parti di e kategorianan ku por vota riba dje. ” segun sra. Derchlien Vrolijk, Marketing Coordinator di Tourism Corporation Bonaire.

“Esaki sigur ta un bon oportunidat pa e komunidat apoya Boneiru komo destinashon i e sektor hotelero i hospitalidat. Nos ta animá tur hende pa registra i vota. E rekonosimentu prestigioso aki lo yuda boost e visibilidat di Boneiru i sirbi komo nos kompromiso pa brinda un eksperensia karibeño uniko pa bishitantenan.”
Pa vota, bishita www.cntraveler.com/rca/vote i selekta Boneiru su nominashonnan di e lista aki bòu.

Kategoria: “Country”
Bonaire

Kategoria: “Islands”

Bonaire
Kategoria: “Cities”

Kralendijk
Kategoria: “Hotels and Resorts”

• Divi Flamingo Beach Resort & Casino

• Captain Don’s Habitat

• Plaza Resort Bonaire

• Piet Boon

• Harbour Village Beach Club

Kada email adres registrá por vota un biaha i por vota te ku 31 di mei 2021. E resultadonan lo wòrdu anunsiá riba www.cntraveler.com na luna di òktober i publiká den Conde Nast Traveler’s annual Readers’ Choice Awards issue na luna di novèmber.