TORONTO – Tourism Corporation Bonaire (TCB), huntu ku siete partner di e isla, a partisipá na Toronto Outdoor Adventure Show, ku a tuma lugá di 23 te ku 25 di febrüari.

“Partisipashon na eventonan manera Toronto Outdoor Adventure Show ta un parti esensial di nos strategia di diversifikashon. Dor di ta envolví ku merkadonan nobo na Kanada, nos ke stimulá interés den Bonaire i probechá alabes di e lansamentu di buelonan stret entre Boneiru i Toronto ku kual e kompania WestJet a kuminsá resientemente. E enfoke proaktivo aki ta koincidí ku nos meta di konstantemente amplia nos alkanse i mustrá e bunitesa i oportunidatnan di aventura sin igual ku Bonaire ta ofresé”, segun direktor di TCB, Miles Mercera a bisa. 

Na e delegashon a partisipá entre otro e Bonaire Hotel and Tourism Association (BONHATA), Captain Don’s Habitat, Delfins Beach Resort, Dive Friends, Divi Flamingo Beach Resort, Grand Windsock, Plaza Beach & Dive Resort i Tourism Corporation Bonaire.