KRALENDIJK- Den último simannan Boneiru ta mirandu un subida atrobe den e kantidat di kasonan di COVID-19. Esaki ta konta ámbos pa e kantidat di hende ku ta bin pa pasa tèst, komo e porsentahe di hende ku ta tèst positivo. 

Segun sifranan di Entidat Públiko Boneiru (EPB), e kantidat di hende ku a pasa tèst a subi ku 40% den un solo siman. Banda di esei, por a nota un oumentu di 25% den e kantidat di hendenan ku a tèst positivo. 

Sigranan di EPB ta mustra tambe ku e kantidat di tèstnan positivo a yega su punto mas haltu for di mei di e aña aki. Por nota ku e kantidat di kasonan na Boneiru no ta bahando ainda, kontrali na e situahon na Hulanda, kaminda si por mira un tendensia pa abou. 

Di otro banda, asina EPB ta nota, e kantidat di hende ku COVID-19 ku ta resultá den hospital na Boneiru ta keda hopi abou. E siman aki atrobe por a nota un solo kaso di un hende ku a keda interná na Fundashon Mariadal pa motibu di COVID-19.