CHICAGO/KRALENDIJK- Un delegashon di Boneiru, konsistiendo di entre otro direktor di TCB Miles Mercera i direktor di BIA Maarten van de Scheer siman pasá a hiba konbersashon ku vários aerolínea na e konferensia di Routes America.
E konferensia e aña aki a tuma lugá na Chicago, Illinois. Segun Mercera a konta, e delegashon tabata tin 15 diferente reunion ku partnerna potensial, kaminda ku a papia tokante rutanan nobo pa e isla. “Nos lo ke mira buelonan direkto pa e diferente hùbnan di Sur Amerika i Merka, manera Bogotá, Panamá, Toronto, Atlanta i Charlotte”, asina Mercera a bisa.
E delegashon a wòrdu akompañá pa konsehero fiho di Boneiru riba e tereno di aviashon, Thomas Mann di Campbell-Hill.
Buelo stret
Ta konosi ku BIA i partikularmente direktor Van der Scheer tin hopi gana di mira buelona direkto entre Boneiru i vários destinashon na Amerika Latina, ku Colombia haltu riba su lista di prioridat.
Den lunanan ku ta bin lo mester keda kla kiko Boneiru por a logra pa trata konvensá aerolíneanan pa kuminsa bula pa i for di Boneiru.
Polis ta investigá informenan di menasa i instigashon durante Gran Marcha 
Prevení Dengue, Chikungunya, Zika
De Jonge i Van Huffelen a klousurá bishita na Boneiru
ZJCN ku yamada pa mèldu keho ku no prosesá
