Kralendijk – Boneiru a traha su lista ku nivel di riesgo pa diferente pais. E isla ta distinguí 4 nivel di riesgo: masha abou, abou, haltu, masha haltu. E nivelnan di riesgo i e kondishonnan pa biaha pa biaheronan di e paisnan,  ta drenta na vigor djasabra 17 di yüli 2021.

Biaheronan ku ta bini na e isla mester tene kuenta ku rònt mundu situashon di COVID-19 por kambia lihé. Ke men ku e nivel di riesgo di un pais por kambia lihé tambe.  

Riesgo masha abou

E paisnan ku riesgo masha abou ta: Saba, Sint Eustatius.

Riesgo abou

E paisnan ku riesgo abou ta: Alemania, Australia, Austria, Bulgaria, China, Finlandia, Fransia esta Corsica so, Gresia, Hapon, Hungria, Irlanda, Islandia, Italia, Kroasia, Liechtenstein, Luxemburg, Malta, Nueva Zelandia, Noruega, Polonia,  Repúblika Cheka, Rumania, Ruanda, San Marino, Singapur, Siudat Vatikano, Slovakia, Tailandia, Surkorea, Suisa.

Riesgo haltu

E paisnan ku riesgo haltu ta: Cyprus, Estados Unidos, Fransia, sin Corsica, Hulanda (te ku 18 di yüli 2021), Portugal, Spaña.

Riesgo masha haltu

E paisnan ku riesgo masha haltu ta: Argentina, Bangladesh, Bolivia, Brazil, Chile, Colombia, Costa Rica, Ecuador, Guyana, Guyana Franses, Hulanda (entrante 19 di yüli 2021),  India, Kuweit, Maldivas, Mongolia, Myanmar, Namibia, Nepal, Oman, Pakistan, Panamá, Paraguay, Perú,  Reino Uní, República Dominicana,  Seychelles, Suráfrika, Sürnam, Uruguay, Venezuela.

Ta konsiderá paisnan ku no ta menshoná den un di e kuater nivelnan di riesgo aki riba, komo pais di riesgo haltu. Pa último notisia tokante e kondishonnan pa biaha pa Boneiru i nivel di riesgo di paisnan: www.boneirukrisis.com/biaha