Notisia

Boneiru ta start ku e skrinen di poblashon pa kanser na boka di matris

KRALENDIJK – E promé kartanan di invitashon ta sali awe. Tur hende muhé entre 30 i 60 aña di edat ta invitá pa partisipá na e skrinen di kanser na boka di matris. E organisashon di skrinen lo hasi e promé ″intake″ pa despues plania un sita. Partisipantenan por ehekutá e tèst serka nan dòkter di kas. 

Mundialmente kanser na boka di matris ta pará na di kuater lugá entre e kansernan mas komún bou di hende muhé. E tèst di kanser na boka di matris ta hasi detekshon di VHP i sèlnan ku ta desviante. Detekshon na tempu ta hasi tratamentu I prevenshon di posibel desaroyo di kanser posibel. Pesei partisipashon na e skrinen ta útil i importante.

Hende muhénan ku nò a risibí nan karta di invitashon i ku ta kuadra ku edat di atmishon na e skrinen,por yama libremente pa traha nan sita. Esaki por keda hasí via telefòn of via WhatsApp na e number +599 7810476 serka Shahaira Libier of Marianela Alberto.

Pa más informashon, por bishitá rivm.nl/bvocn of página di Facebook https://www.facebook.com/bevolkingsonderzoek.bes

Deel dit artikel
Rocargo
Rocargo
Rocargo
Rocargo