Notisia

Boneiru ta yama bon biní na e promé buelo di Air Belgium

E Airbus A330 di Air Belgium na aeropuerto Flamingo | Foto ABC Online Media

KRALENDIJK- Riba djabièrnè 23 di desèmber 2022 Boneiru a yama bon biní na e promé buelo di Air Belgium for di Bruselas, Bélgika.

Anteriormente den kolaborashon ku Tourism Corporation Bonaire (TCB) i Bonaire International Airport (BIA) a anunsiá ku Air Belgium lo a añadí Boneiru komo destinashon nobo pa e skema di wenter di Air Belgium pa 2022 – 2023, ku un buelo direkto for di Aeropuerto di Bruselas (BRU) pa Boneiru. 

No opstante e kambio den skema pa wenter di 2022 – 2023, Air Belgium ta mantené su kompromiso i ta ehekutá su buelonan planiá pa Boneiru pa desèmber 2022 i yanüari 2023. 

E buelonan akí ta tuma lugá dia 23 i 25 di desèmber 2022 i despues dia 6 i 8 di yanüari 2023. E buelonan akí ta nèt na tempu pa sostené e temporada di wenter di Boneiru. 

Saludo di awa

A yama bon biní na e buelo ku un saludo di awa tradishonal. TCB ta deseá nos bishitantenan  un bunita eksperensia di vakansi na nos isla Boneiru.

Deel dit artikel
Rocargo
Rocargo
Rocargo
Rocargo