Notisia

Boneiru tin problema pa saka sèn, pero e motibu pakiko no ta kla

E tarifa nobo ta drenta na vigor for di promé di yüni 2022

KRALENDIJK – Boneiru tin problema pa saka sèn. Ta presupuesta hopi i ta gasta ménos. Esei tabata e kaso na 2021 tambe. Den e promé seis luna di e aña ei tabatin un saldo positivo di 5.4 mion dòler.

Esei no ta e intenshon, Kolegio di supervishon finansiero ta bisa, pasobra presupuesto ta sali for di punto di bista ku e resultado final mester ta sero.

E splikashon riba entrada i salida  a mehorá, pero ainda no ta kla pakiko Boneiru ta gasta ménos ku el a presupuestá.

Ehekushon di presupuesto

Den di dos kuartal realisashon di entradanan tabata kana dilanti riba e periodo ku a stipulá. Spesialmente debí na mas entrada ku a presupuestá na haf, pasobra e kantidat di barku di karga i e nesesidat pa entrega di awa a surpasá ekspektativa. Tambe entradanan di impuesto di tráfiko motorisá i impuesto di tereno tabata mas haltu ku presupuestá. 

Den e promé mitar di aña entradanan di èrfpagt i impuesto di turista tabata mas abou ku presupuestá. Boneiru no a duna splikashon di esaki. 

Den e di dos kuartal e realisashon di salidanan tabata kana atras riba e periodo ku a stipulá, lokual pa gran parti ta debí na funshon di e aparato di gobièrnu i funshon di e servisio di kayanan. Bestuurscollege no a duna splikashon di esaki.

Deel dit artikel
Rocargo
Rocargo
Rocargo
Rocargo