KRALENDIJK- Un delegashon di sektor turístiko di Boneiru a bishitá e ofisina principal nobo di Tui na Kòrsou.

Na e ofisina Veroesjka de Windt di Bonhata i Miles Mercera di TCB tabata tin un enkuentro ku Rick van der Pluim, ku ta e hefe di TUI Dutch Caribbean & Suriname. 

E tres partidonan a kombersá tokante desaroyonan na Boneiru i e diferente proyektonan ku ta den tapara na Boneiru. Di parti di TUI a trese dilanti ku nan ta kontentu ku e resultadonan di buelonan entre Amsterdam ku Boneiru. 

Koperashon

Partidonan tambe a papia tokante e koperashon den futuru i a palabrá pa sigui traha estrechamente huntu pa bienestar di e desaroyo di sektro turístiko di Boneiru.