BonLab i Hestia kla pa ofresé tèst super rápido na pasahero

Kralendijk- Laboratorio BonLab, huntu ku e kompania hulandes Hestia Cardiovascular Service Center ta kla pa kuminsá ehekutá tèstnan super rápido di Covid.

E tèstnan ta inklui e asina yamá PCR tèst, pero tambe e asina yamá tèst antígeno. Resultandonan di e tèstnan ta kla den masomenos 24 ora. Esaki por konsiderá hopi rápido si konsiderá ku den hopi laboratorio rònt mundo speshalmente e PCR tèst ta tuma 24 ora òf mas pa ser prosesá.

E abilidat pa hasi tèstnan hopi rápido ta di sumo importansia pa reapartura di nos isla pa turismo, ya ku asina por tèst hende na yegada, pero tambe na salida pa nan destinashon. Esaki ta konta pa hende lokal tambe.

Brote

E echo ku resultado di e tèst ta asina rápido por hunga un ròl importante den frenamentu di e brote aktual di Covid riba nos isla. Esaki pasombra aktualmente, hopi hende ta kontagiá otro, promé ku nan realisá ku nan ta infektá ku e virus di Corona.

Lesa tambe:

• 
  E tim spesialisá di KPCN ta atendé kriminalidat finansiero ekonómiko ku man duru
• 
  Eksposishon “Hende den Naturalesa” den Parke Nashonal Washington Slagbaai
• 
  Paga tinu riba uso di awa | Aviso
• 
  Ròl prominente pa Boneiru na Konferenia tokante Awa di Nashonnan Uní 
• 
  Prevení Zika, Dengue i Chikungunya |Aviso pagá