Notisia

Bram Streppel sekretario nobo di entidat públiko Saba

Streppel lo kuminsá promé di ougùstùs ku su funshon nobo

THE BOTTOM – Kolegio ehekutivo di Saba a nombra Bram Streppel komo sekretario nobo di e isla. E lo kuminsá na su trabou riba promé di ougùstùs 2023.

Streppel ta trahando aktualmente komo ‘domein manager’ na e munisipio di Velsen den Hulanda Europeo i for di 2011 e ta traha den puestonan di politika i maneho den área sosial, asuntunan di siudadan, sentro di kontakto ku kliente i sostenimentu di direkshon i politika. E ta un mènedjer eksperensiá i inspiradó ku ta enfoká riba desaroyo organisashonal i mehorashon konstante di organisashonnan públiko.

Streppel ta bisa ku a tuma un desishon konsiente pa sirbi den Hulanda Karibense i a prepará su mes detayadamente pa traha na Saba. Bram: “Mi tabata tin hopi konbersashon ku Sabanonan i hende ku ta traha na Saba. Mi a studia dokumentonan i a bishitá Saba pa konosé Saba i e koleganan di e entidat públiko. Mi ta impresioná pa loke a logra na Saba i kon bon ta e balansa entre e kuido diario ku nan ta duna na sabanonan, e isla i e invertimentonan pa desaroyo pa largu término. Mi ta hopi motivá pa por kontribuí na esaki den e próksimo aña.”

E buskadea pa un sekretario nobo di e isla a resultá den un lista largu serio di kandidatonan. Kuater a keda entrevistá online pa kolegio di gobernashon. Dos kandidatonan final a bishitá Saba i a tene konversashon ku futuro koleganan. Kolegio di gobernashon a desidí pa nombra Bram Streppel pa su enfoke riba mehorashon di e organisashon i su kalidatnan di liderazgo.

Mehorashon

“Ku Bram nos a desidí konshientemente pa un lìder hoben, pero eksperensiá ku lo ta enfoká fuertemente riba mehorashon di nos organisashon”, asina diputado Bruce Zagers a bisa. 

Gezaghebber Jonathan Johnson ta wak un sekretario di isla ku su energía i eksperensiá por modernisá e organisashon: “Bram ta kousa bon ku nos nesesidat pa e siguiente fase di desaroyo di e entidad públiko”.

Deel dit artikel