KRALENDIJK – E buelo ku WINAIR generalmente ta hasi riba diadomingo entre Bonaire i St. Maarten ku un parada na Kòrsou, no a sigui ayera merdia. E buelo a keda kanselá pa prevenshon pasobra kondishonnan di tempu na St. Maarten tabata malu.

E kanselashon a afektá tambe pasaheronan entre Boneiru i Kòrsou, ya ku e avion no sali for di St. Maarten pa yega Kòrsou. Un buelo di JetAir Caribbean, ku ta programá pa salida for di Kòrsou den oranan di merdia, tambe a keda kanselá. Sinembargo, pasaheronan a informá di esaki despues ku nan ya a wòrdu check den i nan tabata wardando na e porta.