DEN HAAG – Investigashon di palu di famia di antepasadonan Karibense por ta kompliká, ta loke Serana Angelista a deskubrí durante su buskeda di su propio historia di famia na Kòrsou. El a dokumentá su eksperensia- i resultadonan den e buki “Het archief ontwaakt”, ku awor bo por haña grátis den e tienda di Archivo Nashonal na Den Haag.

Artista i diseñadó Serana Angelista ta konta di su eksperensianan: “Na Kòrsou durante sklabitut a uza hopi biaha famnan imponé, ku no semper tabata úniko. Esaki ta hasi difísil pa identifiká antepasadonan.

Tambe ta solamente dos di e sinku distritonan históriko na Kòrsou ta bon dokumentá den e archivonan. Informashonnan di e otro tres distritunan ta hopi biaha di propiedat privá òf asta a bai pèrdí.”

E buki “Het archief ontwaakt” ta brinda métodonan di investigashon alternativo, manera studia e konteksto sosial históriko, patrimonio familiar i téknikanan di investigashon artístiko. 

Angelista ta enfatisá e importansia di historia skirbí, manera entrevistanan riba kasèt, komo fuentenan di informashon importante. Ounke e buki no ta duna garantia pa bo por haña bo antepasadonan, e por inspirá si i ofresé perspektivanan nobo.

Region 

Angelista ta remarká ku ounke e buki ta konsentrá riba hendenan di Kòrsou, e por ta útil tambe pa hendenan na Aruba i Boneiru. A produsí “Het archief ontwaakt” ku kontribushonnan di e investigadó i historiadó Rowan van der Stelt, artista visual Avantia Damberg, atministradó hudisial Lusete Verboom i Angelista mes. 

Huntu nan ta duna un bista den diferente medionan di investigashon i fuentenan. E buki ta uza e archivonan di komèrsio di katibu trans-Atlántiko komo punto di salida pa mas investigashon.

Den e tienda di Archivo Nashonal tin ún ehemplar di “Het archief ontwaakt” pa kada persona. Op = op. E buki lo ta disponibel tambe den Biblioteka nashonal di Kòrsou.

Pa mas informashon tokante investigashon di palu di famia na Kòrsou interesadonan por akudí na ‘de Kòrsou – Curaçao: mensen van toen di Archivo Nashonal pa kuminsá nan propio búskeda.