WILLEMSTAD – Riba òrden di Fiskal di Kòrsou a start un buskeda ofisial di Rigshelon Jonathan Emmanuel Lak, un hòmber di 35 aña ku ta konsiderá komo sospechoso den un kaso ku no ta spesifiká ainda.

Rigshelon a nase i lanta na Kòrsou. Su deskripshon ta di un hòmber fuerte, un largura di 1.82 meter, kabei kòrtiku, koló di kueru maron i un kara smal.

Na e momentu aki no ta konosí ainda kiko ta e karakter eksakto di e akusashonnan kontra Rigshelon. Ministerio di Hustisia i polis lokal ta kouteloso ku duna informashon pa no trese e investigashon den peliger.

Polis ta spierta komunidat pa ta alerta i mèldu tur informashon ku por kondusí na e lokalidat òf aresto di Rigshelon. Nan ta enfatisá ku si un hende mir’é, pa tuma kontakto inmediatamente ku outoridatnan i no tuma akshon nan mes.

Ta supliká tur hende ku tin informashon relevante pa tuma kontakto inmediatamente ku polis na number di telefon 911, 917 òf 6740173. Lo trata konfidensial ku e identidat di e informante.