KRALENDIJK–Djaluna 24 di yanüari, Raad Onderwijs Arbeidsmarkt (ROA), ofisialmente a rekonosé ‘Bonaire WolfPack Baseball Foundation'(BWBF). Esaki ta un bon notisia, según ROA, pasombra awor BWBF tin persona studiá, esta un maestro den su fundashon.
Esaki ta nifiká ku alumnonan di SGB-MBO, por kore stazje na e fundashon. Manera ya BWBF a menshoná na diferente okashon, nan tei sigur na bienestar di e hubentut i ku e logro aki, sigur nan por guia, stimulá i motivá e hóben, pa kaba nan estudio ku éksito i ta un suidadano ehemplar den komunidat Boneriano.
Na e okashon Fleurtje Veldkamp i Janine Pietersen, komo representante di ROA CN, tabata presente, kendenan a entrega e plakat pa identifiká e fundashon unu rekonosé.
Nan a menshoná na e momentu, ku hóbennan di MBO ku ta studia pa ‘sport en bewegen’, por kore stazje serka Anthony Ignacio di BWBF, kende ta un lider studiá i rekonosé pa ROA.
E aña aki tampoko lo no tin kampamentu kant’i laman
Ocho agente nobo di Koninklijke Marechaussee a huramentá
E mundo di ‘Nene’ Provence
A pesar ku aksèins tei baha, prèis di gasoline probablemente lo subi tòg na Boneiru
