Kralendijk- Treinernan pa personal di kabina di EZ Air e dianan aki ta na Miami pa sigui un programa di ‘Train the Trainer’ pa avionan nobo Saab340 ku e aerolínea pronto lo kuminsá operá.
E treinen ta nesesario ya ku ta trata di avion nobo ku ta rekerí personal di kabina na bordo. Despues di sigui e treinen spesial aki, e instruktornan mes por sigui duna treinen na otro personal di kabina na Kòrsou i Boneiru mes.
E avionnan nobo ta pas den a plan di EZ Air pa gradualmente kambia pa avionan ku ta karga mas pasahero i un ekspanshon di su ret di ruta.
Saab
E avionnan Saab340 tin un kapasidat di 34 stul i por bula mas leu ku avionan Beechcraft 1900 ku e kompania ta uzando. Pa e kantidat di pasahero ku e avionan por karga ta rekerí tambe personal di kabina pa siguridat i tambe pa por duna mihó servisio na bordo.
Aparte di treinen pa personal di kabina, tambe tin treinen ta tumando lugá pa pilotonan i mekanikonan di a aerolinea pa nan por mantené e tipo di avion aki.
Hulanda den e kumbre di klima ta komprometé pa aselerá transishon di klima i energia di islanan chikitu
Atenshon pa problema di ‘bullying’ na Saba
Areglo di ferlòf di embaraso na Boneiru ta muchu limitá: ‘mi a haña mi mi só’
Avion nobo di SLM a yega Sürnam djaweps
