CDA esun mas grandi den elekshon Tweede Kamer na Boneiru

Kralendijk- Christen Democratisch Appèl (CDA) a bira e partido mas grandi na Boneiru den elekshon pa parlamentu Hulandes.

E partido di entre otro Raymond Knops a logra saka un total di 864 voto na Boneiru. Na di dos lugá ta bin D66 ku a logra un total di 431 voto i na di 3 lugá e partido di Promé Minister Mark Rutte ku un total di 360 voto.

Na total 3049 siudadano a hasi uso di nan derecho di voto. Tabata tin 2986 voto ku tabata bálido. Esaki ta nifiká ku atrobe un porsentahe hopi abou di masomenos 22% di esnnan ku por a vota, a partisipá den elekshon di Tweede Kamer.

Knops

E resultado positivo di CDA pa gran parti lo a wòrdu kousá dor di e efekto di Sekretario di Estado, Raymond Knops. Ounke sierto hende ta haña Knops arogante, hopi otro ta atmirá su firmesa. Banda di esaki tambe tin ku menshoná ku lider di partido UPB, James Kroon a kampañá pa CDA en general i pa Knops en partikular.

---

Lesa tambe:

• 
  Kiwanis Club of Kralendijk Bonaire tin un direktiva nobo i ta selebra di 5 aniversario 
• 
  Bonaire Tourism Summit 2023 a start na Courtyard Hotel
• 
  Paga tinu riba uso di awa | Aviso
• 
  JetAir Caribbean Ta Cuminsá Buelanan pa Boneiru dia 1 di November
• 
  Servisionan di investigashon di krímen ta interseptá boto ku paranan eksótiko i arma