Notisia

Cft ke pa St. Maarten uza rekuperashon ekonómiko  pa pone presupuesto na òrdu

PHILIPSBURG- Apesar di un kresementu ekonómiko real di 7,5 porshento, por spera den e presupuesto di Sint Maarten un défisit presupuestario konsiderabel pa aña 2022. 

Kolegio di supervishon finansiero di Kòrsou i Sint Maarten (Cft) ta urgi Sint Maarten pa limitá su gastunan i oumentá su entradanan fiskal pa medio di tumamentu di medida di subida di kumplimento ku deber di paga impuesto (compliance), i kobransa di erfpacht i di e pago di lisensia di casino i loteria. Ta di importansia pa un kantidat di invershon dirigí tuma lugá tambe.

Ekonomia di Sint Maarten a krese ku 8 porshento na 2021. Fondo Monetario Internashonal (IMF) ta ferwagt un kresemento di 7,5 porshento pa aña 2022. Pa gran parti esaki ta resultado di e rekuperashon di turismo (di krusero). Sint Maarten lo mester utilisá e rekuperashon ekonómiko aki pa pone su finansa públiko na òrdu, kumpli ku su obligashonnan di pago i realisá e invershonnan nesesario.

Maneho finansiero

Cft ta nota tambe ku e maneho finansiero di Sint Maarten ta kedando atras seriamente. “E kalidat di e kuentanan anual ta reflehá esaki. Den e Pakete di Pais i den e agènda di ehekushon di esaki a akordá medida pa mehorashon di e maneho finansiero”, asina Cft ta skibi. Cft ta konsiderá prudente ku Sint Maarten a kuminsá ku ehekushon di trayektonan di mehorashon.

E miembronan di Cft a hiba kòmbersashon riba 27 i 28 di yüni 2022 ku Gobernador, Konseho di Minister, Minister di Finansa i e Komishon Finansiero di Parlamento di Sint Maarten. Cft a kòmbersá tambe ku Sint Maarten Medical Center (SMMC) i Sint Maarten Harbour Holding Company N.V. (SMHHC). Dia 27 di yüni 2022 Cft di Bonaire, Sint Eustatius i Saba a kòmbersá virtualmente ku Kolegio Ehekutivo di Saba.

Deel dit artikel
Rocargo
Rocargo
Rocargo
Rocargo