Notisia

Chèns ta grandi ku Hòfi Kultural ta keda habrí 

KRALENDIJK – Fundashon Plataforma Kultural a haña un asignashon di supsidio temporal di gobièrnu di Boneiru. Na momentu ku Konseho insular i Minister di Asuntunan Interior i Relashonnan di Reino aprobá e presupuesto di 2023 por depositá e sèn.

Eksistensia  di Hòfi Kultural tabata na peliger. E kontribushon anual di Entidat Públiko na Hòfi Kultural tabata bastante aña kaba muchu abou i ta p’esei Hòfi Kultural a bati bèl.

E asignashon aki ta nifiká ku Hòfi Kultural por keda habrí na 2023 pa aktividatnan pa grandinan. Na dezèmber awor e fundashon ta eksistí 12 aña i mei i ta selebrá esei riba 13 di dezèmber.

Tur siman mas ku kuarenta grandi ta toka riba instrumentonan típiko Boneriano manera kuarta, wiri i sinfonia. Tambe binti boluntario ta bishitá tur siman grandinan delikado na Boneiru.

Hòfi Kultural ta spesialmente konosí pa e tantísimo pinturanan kolorido ku a aparesé riba murayanan rònt Boneiru. Artistanan huntu ku hóbennan i studiantenan di MBO ta hasi Boneiru mas kolorido ku e tabata kaba.

Muchanan i adultonan ku ta físikamente delikado  ta hasi muzik i ta krea arte na Hòfi Kultural. Hòfi Kultural ta promové pa dediká mas atenshon na kultura den enseñansa den skol básiko.

Deel dit artikel
Rocargo
Rocargo
Rocargo
Rocargo