KRALENDIJK- For di kuminsamentu di sèptèmber Entidat Públiko Boneiru tin un e ta hefe pa e Departamento Veterinario, ku ta un departamentu nob, de persona di Claire Cointepas. E ta enkargá ku entre otro kùrmentu di karni importá. E renobashon di e matadero tambe ta kai bou di su responsabilidat.
Claire a nase na Inglatera i a lanta na Hulanda. El a studia Medisina Veterinario na Universidat di Utrecht. Durante su estudio Claire a traha komo boluntario na Madagaskar i Portugal. Na e paisnan ei e tabata sterilisá animal. Despues di a graduá el a muda pa Islanan Galápagos. Einan durante un aña el a traha komo dòkter di bestia. Despues di un aña na Islanan Galápagos Claire tabata kla pa enfrentá un reto nobo.
Na luna di febrüari 2021 Claire a bin Boneiru pa yuda establesé un klínika pa bestia. For di luna di sèptèmber Claire ta ehersé e funshon di Hefe di departamento Veterinario Boneiru. Huntu ku su tim e ta bai sigui duna forma na e departamento Veterinario Boneiru.
Papiamentu
Boneiru ta trese trankilidat, regularidat i un aventura nobo pa Claire durante e añanan binidero. ‘Boneiru ta chikitu i trankil i e hendenan ta hopi kariñoso’, segun Claire. Banda di su trabou na departamento Veterinario Boneiru e ta bai dediká su mes tambe na siña papia papiamentu i ‘freedive’. Dentro di algun aña Claire ke papia papiamentu perfektamente bon. Mas aleu tin un desafio tambe pa loke ta trata ‘freedive’. Su rekòr di sambuyá mas largu i mas profundo ta 60 sekònde i 23 meter. Kisas akí na nos isla e ta bai kibra su propio rekòr.
Boneiru ta kana hopi dilanti den proseso bakunashon
Gabinete ta redusí akseins riba gasolin pa Hulanda Karibense
Di dos intento pa tene Siman di Media pa Periodismo na Boneiru
A hasi djes detenshon durante marcha di despedida i karnaval di Kòrsou 
