KRALENDIJK – Diasabra i Diadomingo 24 i 25 di junio tin dos dia di treinen den kuadro di e proseso pa yega na Federashon Beisbòl i Sòftbòl Boneriano. 

Riba e dianan di ‘Coaches Clinic’, tabatin lès di teoria i riba tereno. A trein riba vèlt na Jossy Boekhoudt Ball Park, bou di guia di Ben Thijssen i Pajo Faneite. 

Nan a haña un splikashon amplio kon mester fangu bala, posishon pa para warda un bala, posishon di kurpa i mas. 

Ku e informashon ku e lidernan di tim a haña, nan por pasa esaki pa nan tim ku e meta pa mehorashon den strukturashon di e deportenan sòftbòl i beisbòl na Boneiru. 

Riba potrèt den treinen na Jossy Boekhoudt ball Park.