Kralendijk- Ta Daisy Coffie di frakshon Coffie só a vota na fabor di un ‘moshon di desaprobashon’ kontra di diputado James Kroon. Coffie a presentá su moshon despues ku gezaghèber Edison Rijna a duna un presentashon kòrtiku di e investigashon ku a hiba pa ku e temátika di integridat.
Tur miembro di koalisahon a vota kontra di e moshon di Coffie, sin mashá motivashon. Michael Pietersz si a motivá su voto kontra di e moshon. “Diputado Kroon a pidi despensa pa e kosnan ku a kana ménos nèchi i nos a akseptá esaki”, asin Pietersz a bisa. Pietersz na e momentu ei tabata e úniko miembro di frakshon de DP presente den Konseho Insular. Ambos Abraham i Hellburg-Makaai tabata ousente.
Ta tòg remarkabel ku frakshon di DP tabata hopi vokal riba e trayekto di investigashon di integridat, pero ku al final nan no ta dispuesto tampoko di buska e guera kontra di James Kroon.
Empresanan turístiko a rekuperá ekonómikamente, pero no pa loke ta trata personal
Konseho na OLB: Independisá haf
Polen a entregá e sospechoso den e investigashon riba asesinato di Peter R. de Vries
Gasolin i disel ta bira mas barata na Kòrsou otro siman
