Copa Airlines atrobe e aerolínia mas puntual di Latino Amerika

TOCUMEN, PANAMA – Pa di kuater luna konsekutivo, Copa Airlines, ku tambe ta operá buelonan pa Kòrsou i Aruba, a wòrdu reconosé otro biaha mas komo e aerolínia mas puntual di hinter Latino Amerika.

Esaki a keda publika pa Cirium, kual ta tene kontakto di estadístikanan den sektor di aviashon.

Copa Airlines a ehekutá 93.26% di nan biahanan na tempu. Aerolinia Kolombiano Avianca a keda na di dos lugá ku 86.83% di nan biahanan na tempu, sigui pa aerolinia Braziliano Azul na di tres lugá ku 86.38%.

LATAM Airlines a ranku na di kuater lugá ku 85.80%, i Aerolíneas Argentinas a ranku na di sinku lugá ku 81.59%. E lista ta kaba ku partner di KLM, Aeroméxico, ku ehekutá 72.66% di nan biahanan na tempu.