WILLEMSTAD – For di 3 di novèmber pasaheronan por disfrutá di platonan Karibense riba e buelo dirèkt di Corendon entre Amsterdam i Kòrsou. Kòki prinsipal di restorant Mondi, Justin Niesen, a prepará e platonan Karibense outéntiko aki.

Siman pasá tabatin un seshon di prueba den e Boeing 747 den e kurá di hotèl Corendon Village. Durante e evento esnan  presente a haña un muestra di e kumindanan di abordo ku dentro di poko lo sirbi riba e ruta entre Amsterdam i Kòrsou.

E nochi di prueba a duna un bista prometedor di loke Corendom ta bai ofresé su pasaheronan pronto. Niesen: “Mi ta orguyoso ku ta bai sirbi awor mi platonan den un avion tambe i ku di e manera aki mi por promove e isla kaminda mi rais ta.”

Aweró pasaheronan por disfrutá di un dushi pastechi komo snèk i un kuminda kayente di Mondi. Nan por skohe entre Stobá Antiano ku karni, galiña den koko òf un variante vegetario ku blumkol òf roibit sirbí ku un salada, pan, pasaboka i un bibida di propio eskoho. Riba e buelo di anochi di Kòrsou pa Amsterdam lo no sirbi snèk, pero un desayuno kontinental den stail di Mondi.